القنت ديال الحاج

منين كتشوف الهول ديال الباسووردات و المعلومات الحساسة ديال مختلف الادارات و المؤسسات ديال بلادنا كتتسائل شنو السبب؟

كاين جوج اسباب، اللول ما تقدرش تتحكم فيه و الثاني ممكن يتقاد.

اللول هو بشري، بنادم كيأنسطالي برامج ولا كيحل ملفات Malware مصيفطين فالايميل فيهم

واخا تعيا ما توعي و تقرّي فبنادم راه غيدير الغلط و هادشي كيوقع فگاع دول العالم.

السبب الثاني هو ويندوز، هاد النظام المشؤوم الخاري على دينمو هو سبب أغلب الكوارث الأمنية.

لهذا الحل كيف ما دارو بزاف ديال الدول فالسنين الأخيرة Linux هو اعتماد

اما شي اصدار واجد او كتكلف ادارة معينة تصمم و تعمل التحديثات لشي اصدار محلي خاص

من بين الدول اللي دارت هاد الخطوة :

Pardus تركيا : صممات لينكس خاص بيها سميتو

فرنسا : الدرك الفرنسي كيستعمل واحد الاصدار خاص GendBuntu بيه سميتو

اوروبا : كاين برنامج ممول من الاتحاد الاوروبي لنظام EU OS شامل سميتو

الصين : سنين هادي باش الدولة كتحارب استعمال ويندوز OpenKylin و كتدعم اصدارات محلية فحال

Astra Linux روسيا : الدولة كتشجع على استعمال نظام

Maya OS الهند : وزارة الدفاع تبنّات نظام

هادشي غادي يهنينا من بزاف ديال المشاكل الامنية و يخلي الناس تنفتح على أنظمة اخرى عوض ما يبقاو فالحبس ديال مايكروسوفت.

ملحوظة : خوتي الصغار هادي اكثر من عشر سنين باش علمتهم يستعملو لينكس، و اذا عندكم خوت او وليدات Elementary OS عطيوهم يبداو فشي اصدار ساهل فحال