قلت فالبوسط السابق ان صحاب الحال كيستعملو فحال باقي خوتهم فاوروبا و مناطق اخرى من العالم Cellebrite الماطريال ديال شركة
ديال الايفونات Jailbreakهاد الشركة عندها باع طويل فاستعمال ثغرات معروفة اللي كتستعمل ف
: او ثغرات ديال اندرويد معروفة لدى الكل، لكن فالسنين الأخيرة بان واحد الفاعل جديد خرج ليهم من الجنب GrapheneOS
هاد النظام مبني على اندرويد و مدعوم فقط بالتبرعات و خدامين فيه مجموعة ديال المبرمجين اللي الهدف ديالهم الأول و الاخير هو توفير نظام مضاد لأنظمة الأدلة الجنائية و اللي فحالات كثيرة ممكن يتستعمل بشكل كيخرق الخصوصية ديال الناس.
تماما portمن الحاجات اللي كيعجبوني مثلا هو انه كيديزاكتيفي ال
او مثلا كيروديماري راسو كل عدد معيّن ديال السوايع باش حتى لا طاح الجهاز فيد صحاب الحال ولا غيرهم تزيد تضعاف احتمالية يدخلو للتيليفون.
النظام متوفّر فقط لأجهزة بيكسل و ممكن تلقاوه فالموقع Grapheneos.org
Cellebrite اليكم مثلا واحد الصورة مسرّبة ديال قدرات جهاز
و كيفاش انهم مخصصين لهاد النظام جهة بوحدو
فالبوسط القادم غنعطيكم الكوكطيل القاتل ديال الاتصالات المحمية و اللي صحاب الحال ديال اي بلاد ما يقدو يصيدوك.
صحاب الحال عندنا كيخلعو بنادم بالافلام، مع شوية ديال الجهل (او بزاف) المتفشي بين الناس، بنادم ما كيعرفش فين واصلين و شنو يقدو يديرو و شنو لا…
فهاد البوسط غنديرو جولة فكوميسارية الدرب (تا لبعيدة) نعرفو اش فيها، و نعرفو تجهيزاتها التقنية.
من المعروف علينا اننا كنتسوقو اما من صحاب الباگيط، او ولاد سيدي موسى، و خصوصا ولاد سيدي موسى لحقاش ولاو مجهدين و عندهم ماطريال محترم، فالابواب المفتوحة ديال صحاب الحال ممكن تشوفو مباشرة ماطريال شركة Cellebrite.
هاد الجهاز بيه كيجبدو لبنادم سليباتو فاش كيهبطوه للبنيقة، لكن واش بصح هاد الجهاز كيجبد كلشي؟
منين كتشوف الهول ديال الباسووردات و المعلومات الحساسة ديال مختلف الادارات و المؤسسات ديال بلادنا كتتسائل شنو السبب؟
