قراصنة الويب vs قراصنة البحار

مشكل القرصنة فالقرن الافريقي و خصوصا فسواحل الصومال معروف و بسببو دول كثيرة صيفطات قواتها البحرية لحماية السفن التجارية، و مع ذلك مزال نشاطهم ما وقفهش رغم الاعتقالات و اطلاق النار فبعض الاحيان.

عمل القراصنة بدائي، كيعترضو السفن و كيحتجزو الطاقم ديالها رهائن، داك الساعة اما كيبداو “يلوتيو” فحال داكشي ديال PUBG و هوما و زهرهم او كيطالبو بفدية مقابل الطاقم، و هادشي خاصهم يديروه فوقت سريع قبل ما يوصل الخبار لشي فرقاطة قريبة تجي تحررهم.

لكن سنة 2016 غادي يوقع ولحد التحوّل جذري فطريقة العمل، القراصنة بداو كيعترضو سفن ديال شركة معيًنة فقط، كيطلعو كيمشيو نيشان لحاويات معيّنة كيحلوها و كيديو اللي فيها و يمشيو، الضربات ولات فيها بضع ساعات و كتمشي غير الحاجة الغالية، واحد المرة استهدفو مجوهرات و احجار كريمة كاع.

مسؤولي الشركة فطنو للأمر و كانومتيقنين ان القراصنة كيحصلوعلى معلومات من الداخل لكن ما عارفينش كيفاش، كلّفو شركة للأمن المعلوماتي تحقق فالأمر، شنو لقاو؟ c99shell محطوط وسط الcms و القراصنة قاضيين بيه الغرض و بيه قدرو يستوليو على ملايين الدولارات

القضية ما وقفاتش هنا، وقعات احداث مشابهة فالسنوات الاخيرة و بنفس الطريقة، لكن هادا كان اول تحالف ما بين قراصنة الويب و قراصنة البحر فالتاريخ.

2 thoughts on “قراصنة الويب vs قراصنة البحار

خلي كومونطير