مدخل في الOSINT

هو اختصار ل Open Source Intelligence و اللي هي جمع المعلومات عن طريق المصادر المفتوحة للعموم سواء من الويب او وسائل الإعلام المرئية و المكتوبة الخ..
هاد الطريقة اذا تستخدمات بالشكل الصحيح، عندها قوة هائلة في كشف هويات أشخاص و تتبع تحركاتهم او الكشف عن تورطهم في قضايا معينة.
الOSINT كيخدمو بيها حكومات و وكالات استخبارات و شركات كبرى و حتى اشخاص فحالنا لأغراض متعددة لكن فهاد البوسط غادي نوقف على الويب لحقاش هو المجال اللي كيهمني.
عن طريق الOSINT ممكن الكشف عن مروجيّ الأخبار الزائفة على الأنترنت مثلا، تتبع كلمة مفتاح او هاشتاغ حتى تعرف شكون اول واحد قالها في منصة معيّنة، او جمع المعلومات عن متورط في عمليات اختراق فقط من معلومة بسيطة كإسم مستخدم او بريد الكتروني او حتى كلمة مرور.
مثلا عن طريق الOSINT ممكن توصل لأول واحد قام بالترويج لحملة المقاطعة و اللي أغلب الناس ما عارفينش كيفاش بدات ، بينما اي حاجة فالويب عندها نقطة بداية حتى حاجة ما كتجي من العبث.
و ممكن نأكد على انه كاين حاليا فالويب المغربي مجموعة او جوج متخصصين فنشر اخبار زائفة لضرب خصوم سياسيين و كتستغل تقنيات و منصات متعددة و خدامين بشكل احترافي، يعني عمل بدوام كامل من اجل هادشي فقط.
انها الحرب! و اللي ما عندوش جيش الكتروني هزّو الما حرفيا!

3 thoughts on “مدخل في الOSINT

  1. بالنسبة ليا OSINT مات مع موت Search Graph لكانت وحدة من أقوى tools لي دازو.
    دابا كا يبانلي داكشي ولا خاصوا مجهود اكبر بكثير من لي كان قبل خصوصا في الفيسبوك. وخا هكاك كا يجيني الفيسبوك المغربي ساهل بزاف مقارنة بدول أخرى بحال USA لي كاتلقى فيها مناصب عمل ديال “خبير في OSINT”. الانسان المغربي عبر التاريخ كان قادر يدير OSINT بلي جاب الله.
    و الله أعلم

    1. OSINT غير كافية غادي تحتاج معاها حوايج اخريين علاش ناس كتخلص زبالة فلوس باش تشري 0days فشركات اتصال وابناك لسهولة وصول للاي شخص عن طريق بحث اسم مستخدم او رقم او اي شي اخر… الخ
      + كائن مغربي اسهل واحد تقدر توصل عليه غير Fake account او Hacked! old account ديال بنت تم تبدء عملية التعناب XD كما هو متعارف عليه عن اغلبية المغاربة.

خلي كومونطير