هاد اليومين كثرات الهضرة على اختراق مزعوم وقع فمنظمة بيل و مليندا غيتس و منظمة الصحة العالمية و مؤسسات و مراكز اخرى.
كلشي بدا مع واحد البوسط ف4chan اللي معروف بنشاط منظمات اليمين المتطرّف، و تحطات واحد اللائحة فيها آلاف العناوين و كلمات المرور لكن سرعان ما بدا كيبان انه الاختراق فحد ذاتو مشكوك فيه واش وقع اولا و قلت علاش نجرب واش فعلا هادشي كاين
خديت ايميل واحد من اللائحة اللي كتدور و قلبت عليه فموقع haveipeenpwned
طلع الايميل ديجا بان فاختراقات سابقة اشهرها ديال LinkedIn
بعدا مشيت لsnusbase نتأكد واش نفس كلمة المرور(خسارة مشات لينا weleakinfo)
و فعلا، كلمة المرور ديجا كاينة من قبل كتدور اونلاين و هذا دليل قوي على ان خبر الإختراق غير سلوقية طالقينها لأهداف معينة.
التخربيقولوجيا بالدارجة 