شركة Onavo اللي تأسسات عام 2010 و شراتها فايسبوك ف2013 باش تحولها لخدمة VPN خاصها بها لأغراض مشكوكة من طرف المراقبين، اي واحد كيعرف سياسات فايسبوك ما غاديش يتيق يدوز الTraffic ديالوعليها لأنه ببساطة كينطبق عليها مثل حاميها حراميها.
من جهة أخرى شركة التجسس الإسرائيلية NSO و المعروفة بخدماتها الجد المتطورة و اللي كانت وراء ثغرات خطيرة جدا فأكثر الأنظمة امانا حاليا و اللي هو iOS، بعد ما تكتشف استعمالها لثغرة فالواتساب من اجل التجسس على شخصيات وازنة ، ناضت فايسبوك صاحبة تطبيق واتساب و رفعات دعوى على NSO و حاليا راه كل المؤشرات غادية فاتجاه الإدانة.
لكن هاد اليومين مسؤول في NSO قلب الطبلة على كلّشي و صرّح ان مسؤولين من فايسبوك طلبو منو الخدمات ديالها فالتجسس على مستعملي iOS لحقاش باستعمالOnovo كانو قادرين فقط على مستعملي اندرويد فقط، لكن مسؤول NSO اكدلهم انه الخدمات ديال الشركة متاحة فقط للحكومات و أجهزة الأمن و ماشي للشركات التجارية.
الخلاصة ديال هادشي : مستعملي ايفون شوكة في حلق فايسبوك.
التخربيقولوجيا بالدارجة 
واش كيعني باللي الفايسبوك أكثر حماية فالأيفون من شركة فايسبوك براسها !
و كيعني الأيفون أكثر حماية من اختراق شركة الفايسبوك ليه ؟
إعجابإعجاب
كيعني حرفيا ان فايسبوك كتلقى صعوبة فالتجسس على المستعملين ديال ايفون و تتبع تحرّكاتهم عكس اندرويد اللي كتعرف عليهم كلشي
إعجابإعجاب