علاش كيعجبني Telegram

تطبيق Telegram اللي رغم المنع ديالو فعدة دول قدر يدير بلاصتو و يكون قاعدة ديال ملايين المستعملين فحالي، ماشي فقط على سرية المحادثات اللي فيه انما حتى الخدمات المتعددة اللي فيه بعد ما تم اطلاق منصة للمطورين باش يصايبو Bots فحال بعض الأبناك او شركات مثل Google بخدمة Gmail اللي ممكن يوصلوك الايميلات على شكل رسائل الخ…

فهاد البوسط بغيت نجمع بعض الخدمات اللي كتنفعني بزاف و بشكل ساهل انك غير تكليكي عليها و تتفتح مباشرة فتطبيق Telegrem

Filetobot : فهذا يمكنلك تحط اي ملف و بمساحة تخزين غير محدودة يكفي فقط انك تصيف داكشي اللي بغيتي فرسالة لهاد الBot (مول البوت ممكن يكون يشوف كاع الملفات لهذا ما تخليش فيه شي حاجة حسّاسة، من الأحسن خبيها ف Saved messages)

GetMediaBot : هذا من اعز البوتات عندي لحقاش ممكن يتيليشارجي الفيديوات من اي موقع فحال فايسبوك او يوتوب او تويتر و دير ما بغيتي عاود صيفطو او سطوكيه عند البوت اللي ذكرت قبل هذا

DrWebBot : هذا بوت كيسكاني الملفات واش فيها شي برمجيات خبيثة

DropMailBot : هذا عزيز عليا لحقاش ممكن تخلق عناوين ايميل مؤقتة باش تتسجل مثلا فشي موقع و ما باغيش تعطي ايميلك الحقيقي استعمل هذا احسن

و طبعا كاين العديد من الbots اللي ممكن ينفعوك حسب الحاجة ديالك، ممكن تلقاهم هنا https://botostore.com و حتى لا ما كاينش راه قابل للبرمجة بشكل سهل، خليلي تعليق بالفكرة ديالك و نجاوبك فحدود المعرفة ديالي.