السر في قوة الولايات المتحدة الأمريكية هي كمية المعلومات اللي عندها.
غنعاودلكم على شركة سويسرية، سميتها Crypto AG
هاد الشركة مختصة فتشفير البيانات و المراسلات، زبنائها حكومات اكثر من مية و عشرين دولة من القارّات الخمس باستثناء روسيا و الصين اللي عندها انظمتها الخاصة للتشفير، لمدة عقود و هاد الشركة كتقدم خدماتها و ما عمرها طاحت فشي مشكل، السبب؟
ان الشركة كانت مملوكة للCIA و جهاز الBND الألماني، مسهلة العمل الإستخباراتي لدرجة انه كيعرفو الشاذة و الفاذة على اي دولة كتستعمل داك نظام التشفير، كانو على علم بتحركات الإيرانيين خلال الثورة الإسلامية، او الأرجنتينيين خلال حرب الفوكلاند، او تورط الليبيين خلال تفجير ملهى ليلي في برلين سنة 1986 الخ..
اللي كنستخلصوه من هادشي انه اذا كنتي مخترق الأنظمة ديال الأصدقاء او الأعداء على حد سواء و كتعرف شنو كيقولو فالخفاء، ممكن تستعملو فصالحك و تبسط السيطرة ديالك عليهم سواء كنتي شخص او دولة.
التخربيقولوجيا بالدارجة 