هاد الليلة لأغراض بحثية طلقت واحد السكريبت مكتوب بال bash يقلب على شي حاجات، و نظرا لأهميتهم قلت علاش عوض ما يتدار save لداكشي نمشي لشي حاجة ابعد و توصلني notification فالتيليفون.
و هي تجيني لراسي فكرة الbot ديال Telegram.
قلبت على شي حاجة اللي ممكن تصيفط ميساج لtelegram مباشرة من command line و فعلا لقيت واحد tool غزالة 😁.
سميتها telegram-send.
فالحالة ديالي انسطاليتها ف Ubuntu فين كان مطلوق السكريبت، هي python package ممكن تأنسطاليها ب :
pip install telegram-send
من بعدها غتمشي عند botfather ديال Telegram باش تخلق bot جديد و تختارليه السمية.
غيعطيك الkey و غترجع تديماري اول مرة telegram-send:
sudo telegram-send –configure
وغتعطيه الkey ديال الbot
غيقولك اوكي و يرد عليك بواحد الكود غتمشي تقلب على الbot ديالك ف Telegram و تصيفطلو ميساج فيه داك الكود باش كيكمال الإتصال و ها نتا ناضي.
انا استعملتو فهاد الحالة على ود واحد الvariable دايرلها if statement لا كانت اكبر من زيرو كيكتب telegram-send $variable
باش كتوصلني نيشان فالتيليفون بلا ما نبقى دابا و ساعة داخل نطل واش كاين شي ولا غير الفرشي!
التخربيقولوجيا بالدارجة 