فالسنوات الأخيرة انتشر استعمال IP CAMS, نظرا لأهميتها و تعدد استعمالاتها و العدد ديالها فتزايد كبير، ببحث بسيط على Zoomeye و بإستعمال غير كلمة camera غنلقاو انه عندنا فالمغرب آلاف الأجهزة.
لكن اللي ناسيينه أغلب الباعة و المستعملين هو انهم كيخليو هاد الكاميرات مفتوحة بدون حماية، او بكلمات المرور الاصلية بلا ما يغيروها، لدرجة انه رجع عادي انك تدير غير admin:admin او admin:1234 باش تدخل لأغلب الكاميرات، بإستعمال Shodan يمكلنا نلقاو الكاميرات المفتوحة مباشرة و نشوفو Capture منها بدون ايه معلومات دخول.
و خلال البحث لقيت العديد من المكاتب و المعامل, المستشفيات، و المنازل، كلها بدون حماية.
لهذا ايلا كتقرا هاد البوسط و عندك كاميرا أو كتعرف شي حد عندو، قوليه يبدل كلمات المرور راه ضرورة ملحة.
التخربيقولوجيا بالدارجة 