اليزابيث هولمز واحد الشابة امريكية بنات ثروة قدها قداش على كذبة، مؤسسة شركة Theranos للتحاليل الدموية بقطرة دم فقط و بإستعمال تكنولوجيا خارقة لوقتنا الحالي و هي عندها 19 عام فقط، سنة 2015 وضعاتها على رأس قائمة اصغر امرأة ثرية من مجهود شخصي في امريكا بثروة واصلة 9 مليار دولار، عام من بعدها غادي تنكشف الكذبة و غادي يرجع التصنيف ل 0 دولار لحقاش طلع كلشي مبني على كذبة.
عبد الله شقرون هو مغربي كان قريب يدير فحال هولمز، غير هو الكذبة ديالو ما قدراتش تتخطى مكاتب تسجيل براءات الإختراع، و اكتفى انه يبقى يتباهى ب”طلب تسجيل” ديال البراءة على اساس انه براءة اختراع، و بدا كيدور على الميديا و كيوهمهم انه رفض عروض من دول كبرى باش يشريو الإختراع ديالو.
فويكيبيديا بالعربية هولمز ما زال مصنفة على انها سيدة ناجحة و مخترعة https://ar.m.wikipedia.org/wiki/إليزابيث_هولمز
بينما العكس فويكيبيديا بالإنجليزية :
https://en.m.wikipedia.org/wiki/Elizabeth_Holmes
و هادشي طبعا كينطبق حتى على صاحبنا “المخترع” اللي ما جاب والو مور الإختراع ديالو من غير انه ساهم فنشر العلم الزائف.
و شكرا لمروان المحرزي على المساعدة.
التخربيقولوجيا بالدارجة 
tana 3it mn dok nas li kayderbo lih ter, 5ososan les discussion entre amis tatsdem f la reation dyal chi we7din mli tatgol lihom dak 5ona 3a kan tal9 slouguiya.
إعجابإعجاب