قبيلات جاتني لبالي نقلب على واش عندنا فالمغرب autorité de certification معتمدة من عند الدولة و واش داخلة فالأنظمة و الbrowser فحال Firefox, Chrome ..etc…(من لهنا لقدام غنسميوها CA)
لقيت انه عندنا وحدة فقط “باراكا” سميتها Barid e-sign, و مخولة انها تتصدر شهادات Certificats SSL (حتى هونغ كونغ عندهم البريد هو CA).
شنو ناقصنا؟ الجهة المخولة انها تتقدم بطلب لإضافة Barid e-sign فأنظمة التشغيل فحال iOS, Android، Windows, Mac و الnavigateurs فحال Firefox, Chrome او EDGE لحقاش كتكون بمثاابة اعتراف دولي بصحة الشهادات المقدمة و كتكون موثوقة.
علاش هادشي؟ باش نقدرو نعتمدو على شهادات مصدرها هيئة وطنية و ماشي دولة او شركة اجنبية، لحقاش الجهة اللي كتصدر دوك الشهادات كتقدر تشوف گاع الإتصالات المشفرة بداك الشهادة.
و باش نضرب كلشي فالزيرو : دخلت لموقع Barid e-sign كنلقاه هو براسو مسالية ليه شهادة SSL هادي 43 يوم. الإهمال…
التخربيقولوجيا بالدارجة 