شنا هو البيتكوين؟

البيتكون هي عملة كباقي العملات فحال اليورو او الدولار، تستعملها فعمليات البيع و الشراء، ظهرات سنة 2009 على يد مجهول اسمه الحركي Satoshi Nakamoto، و الفرق بينها و بين العملات التقليدية هو كالآتي:
.هي عملة الكترونية تقدر تخزنها فتيليفونك او حاسوبك او حتى مواقع مخصصة لهاد الغرض (شخصيا ما كننصحش بالمواقع).
.هي عملة “لامركزية” يعني ما كيصدرهاش شي بنك مركزي او تحت سلطة ديال شي بنك او حكومة معينة.
.ما يمكنش تزويرها او نسخها نظرا للحماية الكبيرة اللي كتتمتع بيها شبكة البيتكوين, و تاريخها النقي اللي فيه خطأ واحد فقط سنة 2010.
العمليات غير قابلة للإلغاء، يعني اذا دازو الفلوس صافي لا رجوع للوراء.
.العمليات كتتم من شخص لشخص مباشرة و ما كتحتاجش وسطاء.
.فلوسك محميين من الحجز من او التجميد من طرف شي جهة حكومية او قضائية الخ…
.ما كتحتاجش تدلي بهويتك لا فالشراء و لا فالبيع، يعني كتحافظ على الخصوصية ديالك بشكل كبير.
كيفاش نشري او نبيع؟
كاين مواقع عديدة أشهرها localbitcoins.com , فين كتقدر تتلاقا مع ناس شخصيا و تبيع و تشري معاهم فأي مكان فالعالم، فالمغرب مثلا كاين عدد ديال الناس اللي كيمتهنو البيع و الشراء ديال البيتكوين و حتى نتا تقدر تولي تبيع و تشري ما خاصك الا تتسجل فالموقع و توضع الإعلان ديالك.
علاش كتحاربها او كتحاول تسيطر عليها الحكومات؟
نظرا لسهولة استعمالها في تبييض او تهريب رؤوس الأموال، كيف ما كتعرفو فالمغرب “الدرهم لا يُصدّر” يعني ممنوع تخرج فلوس من المغرب بدون رخصة من عند مكتب الصرف، يقدر اي واحد يبدل فلوسو بيتكوين و يديهم لأي بلد فالعالم و يعاود يصرفهم بكل سرية.