فأياماتنا هادي، رجع تأمين حساباتنا حاجة ضرورية و ملحة, فهاد البوسط غادي نهضر بالتفصيل على طرق ناجعة و آمنة باش ما يمشي ليك حتى شي كونط.
Google :
عند گووگل ديجا راه دارو بزاف ديال التغييرات اللي كتخلي النظام يعيق بأي محاولة ديال الدخول من شي جهاز ما معروفش كتدخل منو، و مع ذلك كيبقى ضرورة ملحة انك تستعمل التحقق من خطوتين (2fa).
اللول كتنزل فتيليفونك برنامج سميتو Authy.
هاد البرنامج غادي يبقى يعطيك كود غادي يتطلب منك بعد ما تدخل الusername و الpassword اذا دخلتي نتا او شي حد حاول يدخل من شي جهاز ما معروفش.
باش تأتيڤي 2fa فالكونط Google ديال كتمشي لهاد العنوان(من الأحسن تدير هادشي من pc)
https://www.google.com/landing/2step/
تبع الخطوات حتى يعطيك كود فحال هاكدا
غادي تفتح Authy و تزيد حساب جديد
دير Scan QR CODE و كمل عند گووكل و عطيه الكود اللي ظهر فAuhty.
و هاكدا غتكون حميتي الكونط ديالك واخا تعطي المودباس گاع راه ما يقدر حد يدخل بلا الكود الثالث ديال Authy.
Facebook :
مع الفايس تقريبا نفس الشيء.
كتمشي لإعدادات الأمان ديال الفايس، 2 Factor Authentification
و كتدير Third party app
كتسكاني الكود بAuthy و تدخل الكود اللي عطاك التطبيق فالفايس.
كاين بزاف ديال المواقع اللي كتستعمل 2FA فحال Dropbox, Lastpass…
التخربيقولوجيا بالدارجة 